Самсунг денеска најави отворање на нов Дизајн центар, кој ќе биде лоциран во Латинска Америка, поточно во Сао Паоло, Бразил. Компанијата веќе има канцеларии во Сао Паоло, во кои сега се отвора нов дизајнерски центар, кој ќе има за цел подобро да ги разбере барањата на клиентите во дадениот регион и на тој начин да создаде нови производи кои ќе бидат соодветни за клиентите во Латинска Америка.
„Сакаме да направиме повеќе од иновации заради иновации. Сакаме да произведеме нови уреди кои ги маѓепсуваат потрошувачите и имаат позитивно влијание врз нивниот секојдневен живот“. рече Вивијан Џејкобсон Серебриник, Директор за дизајн на Самсунг за Латинска Америка, додавајќи: „Тоа е храбар потег за Samsung бидејќи неколку мултинационални компании имаат дизајнерски центри во областа кои се фокусираат на мобилни уреди, телевизори и домашни апарати“.
Дополнително, дизајнерите на Samsung директно ќе се сретнат со клиенти од различни професии, како готвачи, лекари и ќе ги решаваат нивните специфични проблеми кои ги имаат при користењето таблети, паметни телефони и други производи во нивната професија. Резултатот треба да бидат производи кои нема да го ограничат клиентот, туку напротив ќе му овозможат сета удобност.
