Таблет Samsung што допрва треба да се претстави беше забележан во онлајн базата на Wi-Fi Alliance претходно денеска. Како и обично, документацијата не открива подетални спецификации за овој уред. Сè што најдовме е бројот на моделот SM-W727, што сугерира дека може да биде 4G-LTE верзија на таблетот Galaxy S2 TabPro s Windows 10.
Samsung Galaxy S2 TabPro треба да има 12-инчен Super AMOLED дисплеј со Quad HD резолуција, процесор Intel Core i5 7200U со такт од 3,1 GHz (што е седма генерација на Kaby Lake). Можеме да очекуваме и оперативна меморија со капацитет од 4 GB, внатрешна меморија од 128 GB, камера од 13 мегапиксели на задната страна со поддршка за 4K видео, камера од 5 мегапиксели на предната страна на уредот и, последно, но не и најмалку важно, батерија со капацитет од 5 mAh. Дополнително, очекуваме новиот таблет да нуди интегрирано S Pen и отстранлива тастатура.
Сепак, во овој момент сè не е сто проценти потврдено, па кој знае, можеби Samsung ќе распореди сосема други процесори. Јужнокорејскиот производител наводно планира да го претстави новиот таблет на Mobile World Congress 2017.