Германската агенција за сајбер безбедност соопшти дека тврдењата дека Huawei ги шпионирал нивните клиенти не се поткрепени со никакви докази и повика на претпазливост против можен бојкот на кинескиот телекомуникациски гигант. „За одлуки толку сериозни како забрана, ви требаат докази,Арне Шенбом, директор на германската Федерална канцеларија за информациска безбедност (БСИ), изјави за неделникот Der Speigel. Huawei се соочува со обвинувања дека е поврзан со кинеските тајни служби, а земји како САД, Австралија и Нов Зеланд веќе ја исклучија компанијата од учество во изградбата на 5G мрежи. Според Der Spiegel, САД ги охрабруваат другите земји, вклучително и Германија, да го сторат истото.
Нема докази
Во март, Арне Шенбом изјави за телекомуникациската компанија Телеком дека „моментално нема убедливи наоди“, со што би се потврдиле предупредувањата на американските тајни служби во врска со Huawei. Главните мобилни оператори во Германија, Vodafone, Telekom и Telefónica користат опрема на Huawei во своите мрежи. BSI ја тестираше опремата на Huawei и ја посети безбедносната лабораторија на компанијата во Бон, а Арне Шенбом вели дека нема докази дека компанијата ги користи нејзините производи за да добие чувствителни информации.
Huawei исто така ги негира овие обвинувања. „Никогаш никаде не ни било побарано да инсталираме задна врата дизајнирана да добие чувствителни информации. Не постои закон кој не принудува да го правиме тоа, никогаш не сме го направиле и нема да го направиме“. изјави портпаролот на компанијата.
Huawei е вториот по големина производител на паметни телефони во светот, а безбедносните агенции велат дека присуството на компанијата на Запад претставува безбедносна закана. Јапонија, по разговорите со Соединетите држави, минатата недела објави дека го запира владиното купување опрема од Huawei. Велика Британија е единствената земја од Five Eyes која продолжува да дозволува опрема на Huawei на своите 5G мрежи. По состанокот со Центарот за сајбер безбедност минатата недела, Huawei вети дека ќе направи некои технички подобрувања за да не биде забранета употребата на неговите производи.
