Најпопуларната светска платформа за споделување видео, YouTube, „светли“ на руската пропаганда. На својот Твитер профил објави дека ќе ја отстрани секоја содржина што „негира или тривијализира добро документирани насилни настани“, како што е војната во Украина. Платформата прецизираше дека забранетата содржина може да вклучува видеа со жртви на украинската војна како актери, трик што Русија постојано го користела за да ги оцрни украинските војници.
Фото галерија
Видео-платформата, која месечно ја посетуваат 2 милијарди луѓе, ќе забрани какви било видеа што ја прикажуваат руската инвазија како едноставна воена операција против терористичките групи. Таа вели дека веќе отстранила над илјада канали и повеќе од 15 видеа кои ги прекршуваат нејзините политики за поттикнување насилство или дезинформации.
Јутјуб ја таргетираше пропагандата на Кремљ веќе на почетокот на март, кога ги блокираше медиумските канали на телевизиските мрежи РТ (Русија денес) и Спутник во Европа. Додека руската акција против Украина продолжува, платформата одлучи да оди уште подалеку, забранувајќи ги сите канали финансирани од Русија на глобално ниво. Покрај тоа, платформата објави дека ги блокирала сите методи за монетизација за руските создавачи. Тие веќе не можат да заработуваат со своите видеа. Јутјуб исто така го суспендираше секое рекламирање во Русија.
