Италија има намера да ја запре употребата на руски антивирусен софтвер во јавниот сектор. Причината е руската агресија во Украина. Италијанските власти стравуваат дека рускиот антивирусен софтвер може да се користи за хакирање на клучните веб-страници во земјата.
Според Ројтерс, новите владини правила ќе им овозможат на локалните власти да го заменат секој потенцијално опасен софтвер. Правилата, кои треба да стапат на сила веќе оваа недела, очигледно се насочени кон глобално познатиот руски производител на антивируси Kaspersky Lab.
Фото галерија
Како одговор, фирмата рече дека ја следи ситуацијата и дека има „сериозна загриженост“ за судбината на своите вработени во земјата, за кои рече дека би можеле да бидат жртви на геополитички, а не од технички причини. Таа нагласи и дека тоа е приватна компанија и нема никакви врски со руската влада.
Може да ве интересира
Претходно оваа недела, германската федерална агенција за сајбер безбедност BSI (Bundesamt für Sicherheit in der Informationstechnik) ги предупреди клиентите на Kaspersky Lab на сериозен ризик од хакерски напади. Руските власти наводно би можеле да ја принудат компанијата да хакира странски ИТ системи. Покрај тоа, агенцијата предупреди дека владините агенти може да ја користат нејзината технологија за сајбер напади без нејзино знаење. Компанијата соопшти дека верува оти властите го издале предупредувањето од политички причини, а нејзините претставници веќе побарале објаснување од германската влада.
